अडथळ्यांना मात दे अन् तू अशी वाहून जा
साजरी सुरुवात दे अन् तू अशी वाहून जा
साथ देतो जर किनारा, शोध तू रस्ते नवे
हात त्या हातात दे अन् तू अशी वाहून जा
अटळ आहे तेवणे तर हो तमाची प्रेयसी
तेवलेली वात दे अन् तू अशी वाहून जा
सांजवेळी सांजवारा माळताना श्रावणी
चिंब ओली रात दे अन् तू अशी वाहून जा
राधिकेचा कृष्ण कान्हा राधिकेची बासरी
मारवा ओठात दे अन् तू अशी वाहून जा
चंदना सोमाणी ©®
No comments:
Post a Comment