गझल - सुचेल का कधी मला
सुचेल का कधी मला तुझ्यावरी लिहायला
जमेल का कधी मला फुलापरी फुलायला
मनात ठेवले जपून बीज अंकुरायला
कुणी न पेरले मला कुठेतरी रुजायला
उन्हातही जपेल रोज गारवा मनातला
फुलेल ग्रीष्म हा खरा खरोखरी जपायला
अजून आवडेल तोच गोडवा तुझ्यातला
पुन्हा पुन्हा सरी वरी पुन्हा सरी भिजायला
जरी न भेटली कुठेच सावली सभोवती
मिळेल का मनापरी अतातरी जगायला
चंदना सोमाणी ©®
No comments:
Post a Comment