मी पाठवलेले पत्र...
मी पाठवलेले पत्र....
.............................
.............................
अरे देवा हे काय केले मी
तुला लिहायला घेतले पत्र
अन् कोरेच पाठवून दिले न लिहिताच जीवनाचे सुत्र
माहीत होते तुला मी त्यात काय लिहिणार
म्हणून तर जाणून बुजून केले मी हे
भावना समजायला लागते मन
जे आहे तुझ्या कडे
सारे कसे समजवावे मी तुला गडे
मौनाचा अर्थ असतो गहरा
समजेल ज्याला तोच जोहरी पारखणारा
काही हिरे, माणके, पाचू अशा रत्नांनी लगडलेली मने
का लावावी मग उगाच कोणाला दुषणे
कोर्याच पानावर मी पाठवलेय मन
घे ना तू समजून, माझ्या मनातील मौन
कारण शब्दांच्या बाबतीत मी आहे अजाण अजून
लागलाच एखादा शब्द माझा जिव्हारी
तर तुला गमवायची नाही माझ्या मनाची तयारी
म्हणून तर पत्र मी कोरेच पाठवले
तुझे माझे एकच मन
इतकेच संदर्भ यातून उलगडले
चंदना सोमाणी ©®
No comments:
Post a Comment