गझल- मनबिंब पाहते मी
पाण्यात या नभाचे प्रतिबिंब पाहते मी
सूर्यास त्या क्षणाला मग चिंब पाहते मी हे रूप गोजिरीचे ते रूप साजिरीचे
ऐन्यात हासणारे डाळिंब पाहते मी
हा डाग विस्तवाचा की दाह वास्तवाचा
जो ठेवला मनी तो कडुलिंब पाहते मी
रेखाटली जरीही मी वर्तुळे कितीही
एका क्षणात का मग हे टिंब पाहते मी
आहे जरी दुरावा दोघांमधे तरीही
माझ्या तुझ्या मनाचे मनबिंब पाहते मी
चंदना सोमाणी ©
Very nice
ReplyDeleteThank you 😊
ReplyDeleteआकाशाची अथांगता नेहमीच तुझ्या शब्दात सामावलेली असते आणि म्हणूनच गझल जीव की प्राण होऊन जाते आणि आम्हा रसिकांच्या मनावर कायम राज्य करते.... गझल सम्राज्ञी ❤️😘
ReplyDelete🫡🫡🫡🫡🫡🫡🫡🫡🫡🫡🫡🫡🫡🫡🫡
मनापासून धन्यवाद 🙏🏻🙏🏻💐
Delete