गझल - नाही हे नको
गोष्टही बळ देत नाही हे नको
चांदणे वेळेत नाही हे नको
बोल तू अथवा कधी बोलू नको
माफ करता येत नाही हे नको
ठेवते सांभाळुनी ठेवा तुझा
तू कधीचा नेत नाही हे नको
याचसाठी मी फुलांना त्यागले
फूल काही घेत नाही हे नको
एवढी आहे जरी हिरवळ इथे
या पुढे तर शेत नाही हे नको
सोड ना सारे बहाणे हे तुझे
अर्थ हा अभिप्रेत नाही हे नको
"चंदना" गुंफू कसे मक्त्यात मी
नाव हे गझलेत नाही हे नको
चंदना सोमाणी ©
No comments:
Post a Comment