गझल - नव्याने
हारलेला डाव चल मांडू नव्याने
सोड ते भांडण जुने भांडू नव्याने
जीवनाचे रंग कोऱ्या कागदावर
आज शब्दांनी पुन्हा सांडू नव्याने
गेम दे सोडून सारे नेटवरचे
खेळ खेळू चल विटीदांडू नव्याने
कोण म्हणते सांग ना आहे नवी ती
तीच आहे वेस ओलांडू नव्याने
गाठताही येत नाही तळ मनाचा
भोवरा होऊन भोवांडू नव्याने
उखळ आहे पण तरी मग का दिसेना
दुःख माझे मी कसे कांडू नव्याने
चांदणे पेटून उठले जर कधी तर
प्रेम देऊ त्यास, ओसांडू नव्याने
चंदना सोमाणी ©®
No comments:
Post a Comment