गझल - हे न थोडे थोडके
वेदनेला फूल आले हे न थोडे थोडके
त्यासही अत्तर म्हणाले हे न थोडे थोडके
ठेवली साखर जिभेवर गोड इतके बोलणे
शब्द नाही होत भाले हे न थोडे थोडके
आरसा मी पाहिला मग चंद्र सुचला, अन् पुढे
आरशांचे चंद्र झाले हे न थोडे थोडके
कापल्यावर पंख माझे ते म्हणाले उड जरा
बंधने होती, उडाले हे न थोडे थोडके
एक आशावाद होता दोन बोटांच्या मधे
जे हवे होते मिळाले हे न थोडे थोडके
चंदना सोमाणी ©®
No comments:
Post a Comment