कुठून आली कुठे निघाली, दिवाणीच ती मला भासली
सोबत असुनी सोबत नाही, अशी कशी ना मला समजली
कोण कुणाची करतो चिंता, कधी कुणाला इथे समजते
जे होते ते भल्याचसाठी, म्हणून बघ ती किती हासली
सोडुन बघ ती मला निघाली, मला वाटली माझी होती
माझ्या पुरती, माझ्यासाठी, या दुनियेची नदी आटली
रडले होते सारे सारे, खरे कि खोटे माहित नाही
काळ वेळ ही निघून गेली, काळाची ना गती थांबली
खोटा होता जन्मच इथला, खोटी होती नाती सारी
माझी होती मला वाटली, जिंदगीच जी मला भेटली
चंदना सोमाणी ©®
No comments:
Post a Comment